أهدت والدة الشهيد النقيب عمر القاضي، الذي استشهد في هجوم إرهابي على كمين بأول أيام عيد الفطر عام 2019، «قلادة» ابنها الشهيد للرئيس عبدالفتاح السيسي، خلال الاحتفال بالذكرى الـ73 لعيد الشرطة.
وقال الرئيس السيسي لوالدة الشهيد: «أنا بشكرك باسمي وباسم كل المصريين، وبشكرك أنك اديتيني حاجة جميلة من ريحة عمر، صدقيني أنا هحتفظ بيها بكل حب وتقدي»، داعيًا المولى عز وجل أن يتقبل الشهيد في عباده الصالحين.
وأوضح الرئيس السيسي: «أنا ماجبتش حق حد أنتوا اللي جبتوا، أنا ماحفظتش أنتوا اللي حافظتوا، وقبلنا كلنا رب العباد، ولكن أنا ماحفظتش»، مُضيفًا: «كل نقطة دم حافظت، كل روح حافظت، كل إنسان قدم نفسه هو اللي حافظ، هي دي الحقيقة، وأنا لما بقول كدة علشان كل الناس في مصر تعرف، والكلام دة إحنا بنكرره في كل مناسبة أن أحنا مش هننسى ابدًا ومش لازم ننسى أبدًا كل بيت قدم شهيد أو مصاب، مش هننساه وبنشكره وكل الدعم له».
وأضاف الرئيس السيسي: «وقبل دة كله مصر مش هتنساه لأن طول ما مصر مصر عايشة بالطريقة اللي إحنا فيها وبالأمان والسلام اللي إحنا موجودين فيه، ده عبارة عن عرفان كل يوم بيتقدم لكل أسرة شهيد لأن الثمن هذا غالي، الثمن اللي اتقدم علشان مصر تبقى في أمان وسلام كان ثمن ولادنا المصريين، وبالتالي الثمن اللي إحنا بنقدمه أننا نحافظ على الأمن والسلام اللي تحقق بفضل الله».
وواصل: «بشكر كل الناس في مصر اللي قدموا وضحوا، وزي ما اتقال دلوقتي في اوبريت أن الشر مانتهاش والشر مابينتهيش وطول ما هي الدنيا موجودة فيها شر، لكن فيه ناس بفضل الله قاعدة بتحمي وتحافظ، أيوة بيبقى فيه ثمن وثمن صعب وممكن يكون مؤلم كثير وقاسي خاصة على الأسر، ولكن في النهاية هذا الثمن هو ثمن اسقرار وحياة 106 مليون، و9 مليون ضيف، أي حوال 120 مليون».
وتابع الرئيس السيسي: «بقول للمصريين الضنا غالي قوي، ولكن شوفوا الأم قدمت الضنا إزاي ويتقول إيه دلقوقتي وهى واقفة قدامنا، شوفوا دة وماتنسهوش وحافظوا على بلادكم»، وفي نهاية كلمته التي ألقاها قبل الرئيس عبدالفتاح السيسي جبهة والدة الشهيد عمر القاضي، كما كرم أسر الشهداء الذي تصدوا لمحاولات العدو الغاشم في شهر أكتوبر من العام 1973.
